Home / شوبز / ہمیں آنے والا کچھ وقت کوروناوائرس کے ساتھ ہی گزارناہے ‘ ماریہ واسطی

ہمیں آنے والا کچھ وقت کوروناوائرس کے ساتھ ہی گزارناہے ‘ ماریہ واسطی

ہمیں آنے والا کچھ وقت کوروناوائرس کے ساتھ ہی گزارناہے ‘ ماریہ واسطی

زندگی بہت اہم ہے ،ایس او پیز پر عملدرآمدکرنا کوئی مشکل ہدف نہیں‘ انٹرویو میں گفتگو

لاہور(ڈیلی پاکستان آن لائن) نامور اداکارہ ماریہ واسطی نے کہا ہے کہ کوروناوائرس نے ہرشعبہ زندگی سے تعلق رکھنے والے شخص کے معمولا ت کوبری طرح متاثرکیا ہے ، اب ہمیں یہ سوچ لینا چاہیے کہ ہمیں آنے والا کچھ وقت کوروناوائرس کے ساتھ گزارناہے اور ہمیں اپنے معمولات کوطے شدہ ایس او پیز کے مطابق ڈھالنا ہوگا۔

ایک انٹر ویو میں ماریہ واسطی نے کہا کہ اس وائرس سے چھٹکاراپانے کا واحد حل یہی ہے کہ ایس او پیز پر مکمل عملدرآمدکیا جائے ،ہم جس قدرایس او پیز پر عمل کریں گے اتنی جلد ی اس سے جان چھوٹ جائے گی اور ہم دوبارہ معمول کی زندگی کی طرف لوٹ آئیں گے۔

انہوں نے کہا کہ عوام سے اپیل ہے کہ حکومت کی گزارشات پر عمل کیا جائے اور کورونا سے بچاﺅ کے لئے طے شدہ ایس او پیز پر مکمل عملدرآمد کو یقینی بنائیں اور یہ کوئی مشکل ہدف نہیںہے کیونکہ زندگی بہت اہم ہے ۔ماسک پہننا،سماجی فاصلہ رکھنا ،ہاتھوں کو بار بار دھونااور غیر ضروری باہر نکلنے سے پرہیز کرکے ہم نہ صرف خود کو اور اپنے اہل خانہ کو محفوظ رکھ سکتے ہیں بلکہ دوسروں کی زندگیاں بھی خطرے میں نہیں پڑیں گی ۔

User Rating: Be the first one !

About Daily Pakistan

Check Also

نیہا ککڑ اور روہن پریت سنگھ کی لو اسٹوری سوشل میڈیا میں ہوئی وائرل

نیہا ککڑ اور روہن پریت سنگھ کی لو اسٹوری سوشل میڈیا میں ہوئی وائرل ممبئی: …

Skip to toolbar