پی ٹی آئی کے پاس ڈی چوک میں رات گزارنے کے انتظامات تھے ؟رانا ثنا اللہ نے بتا دیا

اسلام آباد( ڈیلی پاکستان آئن لائن )وزیراعظم کے مشیر برائے سیاسی امور رانا ثنا اللہ نے کہاہے کہ قیادت کو رائے دوں گا خیبرپختونخواہ میں گورنر راج اچھا فیصلہ نہیں ہو گا، خیبر پختوانخواہ میں صورتحال خراب،گورنر راج کسی قیمت پرنہیں لگاناچاہیے۔نجی ٹی وی کو انٹر ویو میں رانا ثنا اللہ نے کہاہے کہ حکومت کی ترجیح تھی مظاہرین ریڈزون میں نہ آکر رکیں،مظاہرین کو گرفتار کرنا حکومت کی ترجیح نہیں تھی،علی امین،بشری بی بی نکلے توان کے ساتھ بہت گاڑیاں تھیں، مظاہرین میں زیادہ ترلوگ دہشتگرد تھے، مظاہرین میں زیادہ ترلوگ شرپسند تھے، حکومت اورپی ٹی آئی قیادت کے درمیان کوئی مفاہمت نہیں تھی۔
علی امین گنڈاپور اور بشری بی بی کے جانے سے آسانی ہوئی،اگرعلی امین اور بشری بی بی رکتے تو زیادہ نقصان ہوتا،ڈی چوک جانے کا فیصلہ بانی پی ٹی آئی کاتھا،پی ٹی آئی کی ڈی چوک آنے کی کوئی تیاری نہیں تھی،اگرانہیں ڈی چوک پر رات گزارنی پڑتی تو کیا انتظامات تھے۔