پی ایم ایس کاتحریری امتحان کتنے مراحل میں ہوگا؟۔۔۔فیصلہ سامنے آ گیا

لاہور(ڈیلی پاکستان آن لائن)پنجاب پبلک سروس کمیشن نے پی ایم ایس کے تحریری امتحانات کو دو مرحلوں میں لینے کا فیصلہ کیا ہے جس کی باقاعدہ منظوری چیئرمین پنجاب پبلک سروس کمیشن نے فل کمیشن کے اجلاس میں دیدی ہے ۔ پنجاب پبلک سروس کمیشن کا فل کمیشن کااجلاس چیئرمین پنجاب پبلک سروس کمیشن کی زیر صدارت منعقد ہوا ۔ جس میں سیکرٹری پنجاب پبلک سروس کمیشن اور دیگر ممبران نے شرکت کی ۔فل کمیشن کے اجلاس میں یہ فیصلہ کیا گیا کہ پنجاب پبلک سروس کمیشن پی ایم ایس 1200 نمبر کا تحریری امتحان دو مرحلوں میں لے گا ۔پہلے مرحلے میں جنرل نالج پر مبنی 100نمبر کا معروضی پرچہ 15دسمبر 2024کو لیا جائے گا ۔ جنرل نالج کے امتحان میں کامیاب ہونے والے امیدواران ہی 1100نمبر کے باقی مضامین کے امتحانات دینے اہل ہوں گے۔