پنجاب حکومت کا سموگ کنٹرول اقدامات کے پیش نظر بڑا فیصلہ

لاہور (ڈیلی پاکستان آن لائن)پنجاب حکومت نے سموگ کنٹرول اقدامات کے پیش نظر بڑا فیصلہ کیا ہے،بغیر فٹنس سرٹیفکیٹ گاڑیوں کو ایم ٹیگ جاری نہیں ہوگا نہ ہی موٹر وے پر سفر کر سکیں گی۔وزیرٹرانسپورٹ پنجاب بلال اکبرخان کا کہنا ہے کہ تیس سال پرانی گاڑیاں اکتوبر تا جنوری لاہور میں داخل نہیں ہوسکیں گی،ایم ٹیک کیلییگاڑی کی رجسٹریشن بک،لائسنس کیساتھ گاڑی کافٹنس سرٹیفکیٹ بھی دکھاناہوگا۔انہوں نے مزیدکہا کہ جس طرح کے اسموگ زدہ حالات سے ہم گزرے اسے دیکھتے ہوئے یہ شرط رکھی گئی ہے،ہم نے سروسز اینڈ جنرل ایڈمنسٹریشن سے سرکاری گاڑیوں کی تفصیلات طلب کی ہیں،سب سے پہلے یہ سرکاری گاڑیوں پر لاگو کروا رہے ہیں،یہ ممکن نہیں کہ لوگوں کو روکیں اور سرکار سوئی رہے۔