Daily Pakistan Online News, Sports, Blogs, Media
Related Articles
لاہور(ڈیلی پاکستان آن لائن) محکمہ اینٹی کرپشن پنجاب نے سابق وزیراعلی پنجاب چوہدری پرویز الٰہی کے سابق پرنسپل سیکرٹری محمد خان بھٹی کے بیرون ملک فرار کے خدشے پر نام ای سی ایل میں ڈالنے کی سفارش کردی۔محمد خان بھٹی کا نام ایگزٹ کنٹرول لسٹ میں ڈالنے کیلئے محکمہ اینٹی کرپشن نے محکمہ داخلہ پنجاب کو خط لکھا ہے جس کی کاپی ڈی جی ایف آئی اے کو بھی بھجوادی گئی ہے۔محکمہ اینٹی کرپشن محمد خان بھٹی کے خلاف کروڑوں روپے رشوت لینے کے الزام میں مقدمہ درج کیا تھا۔محکمہ داخلہ پنجاب کو لکھے گئے خط میں محکمہ اینٹی کرپشن نے کہا ہے کہ تفتیش سے بچنے کیلئے محمد خان بھٹی کے ملک سے فرار ہونے کا قوی امکان ہے، صوبائی محکمہ داخلہ فی الفور وفاقی وزارت داخلہ سے رجوع کرے۔محکمہ اینٹی کرپشن نے گرفتار ملزم ایس ڈی او رانا محمد اقبال کا نام بھی ای سی ایل میں ڈالنے کی سفارش کردی، ملزمان کے شناختی کوائف محکمہ داخلہ اور ڈی جی ایف آئی اے کو بھجوا دیئے گئے ہیں۔
