پاکستانی اداکارہ زارا البلوشی کو مستقل طور پر سعودی عرب میں رہائش کا اجازت نام مل گیا.

ریاض:جنوری 03 ( ڈیلی پاکستان آن لائن) پاکستانی اداکارہ زارا البلوشی کو مستقل طور پر سعودی عرب میں رہائش کا اجازت نام مل گیا. سماجی رابطے کی ویب سائٹ پر ’پریمیئم ریزیڈینسی کارڈ‘ کی تصویر شیئر کرتے ہوئے زارا البلوشی نے مسرت کا اظہار کرتے ہوئے لکھا کہ ’مجھ پر اعتماد کرنے اور مستقل سکونت دینے کا شکریہ، میں اپنی خوشی بیان نہیں کر سکتی، میں سعودی عرب میں جینا اور مرنا چاہتی ہوں۔‘
عرب میڈیا کے مطابق پاکستانی 39 سالہ اداکارہ زارا البلوشی کو 2019ء میں لانچ کیے جانے والے ایک پروگرام کے تحت اسپانسر کے بدلے مستقل سکونت کی سند جاری کردی گئی۔
زارا البلوشی پیدا پاکستان میں ہوئیں تاہم انہوں نے ابتدائی تعلیم سعودی عرب میں حاصل کی جس کے باعث وہ روانی سے عربی زبان بول سکتی ہیں۔ وہ 2010ء سے شوبز انڈسٹری سے منسلک ہیں۔ سعودی اور خلیج کے ’المیراث‘ اور ’ہیلو ہائے‘ جیسے ڈراموں میں اداکاری کے جوہر دکھا چکی ہیں۔