وزیر اطلاعات پنجاب عظمیٰ بخاری نے تحریک انصاف کا جھوٹا پروپیگنڈہ ایکسپوز کردیا

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے تحریک انصاف کا جھوٹا پروپیگنڈہ ایکسپوز کردیا۔عظمیٰ بخاری تحریک انصاف پروپیگنڈہ سیل کی تمام فیک ویڈیو اور پوسٹیں منظرعام پر لے آئیں اور پروپیگنڈہ سیل کی طرف سے مردہ قرار دیئے شخص کی ویڈیو بھی شیئر کردی۔ اس حوالے سے وزیر اطلاعات عظمیٰ بخاری نے کہا کہ تحریک فساد کے گدھ ایک اور ناکام بغاوت کے بعد فیک ویڈیو اور تصویریں کو سہارا لے رہے، تحریک انصاف کا پروپیگنڈہ سیل جھوٹ بیچنے اور لاشیں ڈھونڈنے کی کوشش کررہا ہے، یہ سب کرنا بھی بقول کچھ محب وطن پاکستانیو کے انکے بنیادی حقوق ہیں؟،اس جھوٹ اور پروپیگنڈے کے لئے انکو اسکی کھلی چھٹی ملنی چاہیے؟،ان سب کے لئے شرم سے ڈوب مرنے کا مقام ہے۔ انہوں نے کہا کہ فیک نیوز اور جھوٹے پروپگنڈے کرنے والوں کے خلاف سخت ایکشن ہوگا۔