نجی فارم ہائوس سے چیتے کا جوڑا فرار،سکیورٹی گارڈ کی فائرنگ سے مادہ چیتا ہلاک

لاہور( ڈیلی پاکستان آن لائن)بیدیاں روڈ لاہور کے نجی فارم ہائوس سے دو ہفتے قبل پنجرے سے فرار ہونے والے چیتے کے جوڑے میں سے مادہ چیتا ہلاک ہوگئی جبکہ نرچیتے کا ابھی تک کوئی سراغ نہیں لگایا جاسکا۔ میڈیا رپورٹ کے مطابق بیدیاں روڈ سے فرار ہونے والے چیتے کے جوڑے میں سے مادہ چیتا نے ہیئر کے علاقہ میں ایک فارم ہائوس میں داخل ہونے کی کوشش کی جس پر سکیورٹی گارڈ نے گولی مار کر ہلاک کردیا جبکہ نر چیتے کا ابھی تک کوئی سراغ نہیں مل سکا ۔پنجاب وائلڈلائف کی طرف سے ابھی تک اس بارے کوئی تفصیلات نہیں بتائی جارہیں۔ بیدیاں روڈ، برکی روڈ اور جی ٹی روڈ واہگہ پر متعدد فارم ہائوسز ہیں جہاں شہریوں نے خطرناک جنگلی جانور جن میں شیر،چیتے، ٹائیگر سمیت دیگر جانور رکھے ہوئے ہیں۔