میٹر و ٹریک پر الیکٹرک بسیں چلیں گی

لاہور(ڈیلی پاکستان آن لائن)پنجاب حکومت نے ماحول دوست ٹرانسپورٹ کی جانب بڑااقدام اٹھاتے ہوئے لاہورکے گرین لائن میٹروٹریک پر ڈیزل وپٹرول بسوں کوتبدیل کرنے کا فیصلہ کیا ہے۔میٹرو بس ٹریک پرالیکٹرک بسیں چلانے کیلئے5ارب52کروڑ 50لاکھ لاگت آئے گی،لاہورکے گرین لائن میٹروبس روٹ پرالیکٹرک بسیں چلانے کی ورکنگ کاآغازکردیاگیا۔میٹرو بس روٹ پر مجموعی طور پر 65الیکٹرک بسوں کو آپریشنل کیا جائے گا۔وزیر اعلی نے الیکٹرک میٹروبسوں کے منصوبے کو آئندہ مالی سال میں شامل کرنے کی ہدایت کر دی۔صوبائی وزیر ٹرانسپورٹ کے مطابق آئندہ سال لاہورمیں میٹرو بس روٹ پرالیکٹرک میٹروبسوں کو آپریشنل کردیاجائیگا،الیکٹرک بسیں 7 سے 12 سال تک آپریشنل رہیں گی۔