Breaking News
Home / شوبز / میٹرک میں فیل ہونے کے بعد راج کپور نے اپنے باپ سے کس خواہش کا اظہار کیا ؟

میٹرک میں فیل ہونے کے بعد راج کپور نے اپنے باپ سے کس خواہش کا اظہار کیا ؟

میٹرک میں فیل ہونے کے بعد راج کپور نے اپنے باپ سے کس خواہش کا اظہار کیا ؟

راج کپور: وہ آوارہ جو سب سے بڑا شو مین بن گیا

ممبئی (ڈیلی پاکستان آن لائن) ہندوستانی سنیما کو بہترین فلمیں دینے والے پہلے شو مین راج کپور کی خواہش بچپن سے ہی اداکار بننے کی تھی۔ اس کے لئے انہیں نہ صرف کلیپر بوائے بننا پڑا بلکہ کیدار شرما کاتھپڑ بھی کھانا پڑا تھا۔

چودہ (14) دسمبر 1924 کو پشاور میں پیدا ہوئے راج کپور جب میٹرک کے امتحان میں ایک مضمون میں فیل ہوگئے تھے تب انہوں نے اپنے والد پرتھوی راج کپور سے کہا تھا کہ میں پڑھنا نہیں چاہتا بلکہ فلموں میں کام کرنا چاہتا ہوں، فلمیں بنانا چاہتا ہوں۔
راج کپور کی یہ بات سن کر پرتھوی راج کپور کی آنکھیں خوشی سے چمکنے لگیں۔

راج کپور نے اپنے فلمی سفر کا آغاز چائلڈ اداکار کے طور پر سال 1935 میں کیا تھا۔

راج کپور کی فلم نیل کمل کا قصہ بھی کافی دلچسپ ہے۔

پرتھوی راج کپور نے راج کپور کو کیدار شرما کی یونٹ میں کلیپر بوائے کے طور پر کام کرنے کا مشورہ دیا۔
فلم کی شوٹنگ کے وقت وہ اکثر آئینے کے سامنے چلے جاتے اور اپنے بال سنوارنے لگتے۔
کلیپ دیتے وقت ان کی کوشش ہوتی کہ کسی طرح ان کا چہرہ بھی کیمرے کے سامنے آجائے۔

ایک بار فلم وش کنیا کی شوٹنگ کے دوران راج کپور کا چہرہ کیمرے کے سامنے آگیا اور جلد بازی میں فلم کے اداکار کی ڈاڑھی کلیپ بورڈ میں الجھ کر نکل گئی۔
بتایا جاتا ہے کہ کیدار شرما نے راج کپور کو اپنے پاس بلاکر زور کا تھپڑ لگایا تھا۔
حالانکہ کیدار شرما کو اس بات کا افسوس رات بھر رہا اور اگلے دن انہوں نے راج کپور کو اپنی نئی فلم نیل کمل میں کام کرنے کا آفر دیا۔
جسے انہوں نے بخوشی قبول کرلیا۔

#راج_کپور، #فلم_انڈسٹری،

User Rating: Be the first one !

About Daily Pakistan

Check Also

بیگم صفدراعوان کا ”ووٹ کو عزت دو“کا نعرہ دراصل ”مجھے لندن جانے دو“کی دہائی ہے‘ فیاض الحسن چوہان

بیگم صفدراعوان کا ”ووٹ کو عزت دو“کا نعرہ دراصل ”مجھے لندن جانے دو“کی دہائی ہے‘ …

Leave a Reply

Your email address will not be published. Required fields are marked *

Skip to toolbar