Home / پاکستان / منی لانڈرنگ کیس میں گرفتار مسلم لیگ نواز کے رہنماء حمزہ شہباز کی درخواست ضمانت منظور

منی لانڈرنگ کیس میں گرفتار مسلم لیگ نواز کے رہنماء حمزہ شہباز کی درخواست ضمانت منظور

لاہور: 24 فروری ( ڈیلی پاکستان آن لائن) لاہور ہائیکورٹ نے منی لانڈرنگ کیس میں پنجاب اسمبلی میں قائد حزب اختلاف اور مسلم لیگ ن کے رہنما حمزہ شہباز کی درخواست ضمانت منظور کر لی۔عدالت نے فریقین کے دلائل سننے کے بعد حمزہ شہباز کی درخواست ضمانت منظور کرتے ہوئے انہیں ایک ایک کروڑ کے دو ضمانتی مچلکے جمع کرانے کا حکم دیا ہے۔

منی لانڈرنگ کیس میں حمزہ شہباز کی درخواست ضمانت پر سماعت لاہور ہائیکورٹ کے جسٹس سردار محمد سرفراز ڈوگر اور جسٹس اسجد جاوید گھرال پر مشتمل بینچ نے کی۔نیب کی طرف سے اسپیشل پراسیکیوٹر سید فیصل رضا بخاری پیش ہوئے جبکہ حمزہ شہباز کی جانب سے اعظم نذیر تارڑ اور امجد پرویز ایڈووکیٹ پیش ہوئے۔

میڈیا سے گفتگو کرتے ہوئے مسلم لیگ ن کے رہنما عطا تارڑ کا کہنا تھا کہ حمزہ شہباز 20 ماہ سے ناحق قید کاٹ رہے تھے، 20 ماہ میں حمزہ شہباز سے ایک دھیلے کی کرپشن ثابت نہیں ہو سکی، آج حق و سچ کی فتح ہوئی ہے۔عطا تارڑ کا کہنا تھا کہ عدالتی احکامات   ملنے کے بعد حمزہ شہباز کی رہائی کے حوالے سے اقدامات کریں گے۔

User Rating: Be the first one !

About Daily Pakistan

Check Also

پاکستان ایٹمی توانائی کمیشن نے وینٹی لیٹر متعارف کروادیا

پاکستان ایٹمی توانائی کمیشن نے وینٹی لیٹر متعارف کروادیا ڈریپ نے وینٹی لیٹر کی تیاری …

Skip to toolbar