لاہور کے نئے ماسٹر پلان کی تیاری کےلئے تین کنسورشیم کو شارٹ لسٹ کر لیا گیا

لاہور کے نئے ماسٹر پلان کی تیاری کےلئے تین کنسورشیم کو شارٹ لسٹ کر لیا گیا

لاہور(ڈیلی پاکستان آن لائن) لاہور ڈویلپمنٹ اتھارٹی نے لاہور کے نئے ماسٹر پلان 2050ءکی تیاری کے لئے اہلیت کے معیار پر پورا اترنے والے تین کنسورشیم کو شارٹ لسٹ کر لیا ہے۔

پری کوالیفائی کرنے والے کنسورشیم میں دار الہندسہ (لبنان)، مائن ہارٹ (سنگا پور)اور نیسپاک (پاکستان )شامل ہیں۔ان کنسورشیم کو ریکوئسٹ فار پرپوزل جاری کر دیئے گئے ہیں تاکہ وہ اپنی ٹیکنیکل و فنانشل پیشکش جمع کروا سکیں ۔

یہ دستاویزات جمع کروانے کی آخری تاریخ 19اکتوبر2020ءہے ۔ لاہور کے ماسٹر پلان کی تیار ی کے لئے سات کنسورشیم نے اظہار دلچسپی جمع کرائے تھے۔ ان میں کنٹری ڈویلپرز ،یورو کنسلٹنٹ پاکستان،شہر ساز پرائیویٹ لمیٹڈ،دار الہندسہ ،مائن ہارٹ ،پلوٹو پلاننگ ترکی اور نیسپاک کنسلٹنٹس شامل تھے۔

لاہور ڈویلپمنٹ اتھارٹی کے ڈائریکٹر جنرل احمد عزیز تارڑ نے کہا ہے کہ نئے ماسٹر پلان کے ذریعے لاہور کو تہذیب کا مرکز اور خوشحال شہر بنایا جائے۔ نیا ماسٹر پلان لاہور ڈویژن کی حدود میں واقع تمام شہری و دیہی علاقوں کے لئے تیار کیا جائے گا۔ نئے ماسٹر پلان کی تیاری کے لئے ماحولیاتی تحفظ‘وسائل کے دانشمندانہ استعمال ‘تاریخی ورثے کی بقا‘معاشی سرگرمیوں کے فروغ اور آبادی کے تمام طبقات کی شمولیت کو یقینی بنایا جائے گا۔