غیر نمونہ غیر قانونی فینسی پلیٹس لگانے میں موٹر سائیکل سوار سرفہرست

پنجاب بھر میں گزشتہ 5ہفتوں سے جاری مہم میں 1لاکھ 24ہزار سے زائد چالان
لاہور (ڈیلی پاکستان آنل لائن) ایڈیشنل آئی جی ٹریفک پنجاب مرزا فاران بیگ نے جعلی فینسی غیر قانونی غیر نمونہ نمبر پلیٹس لگانے والوں کے خلاف بلا تفریق کاروائیاں جاری رکھنے کے احکامات جاری کیے ہیں ۔ ترجمان ٹریفک پولیس کے مطابق پنجاب بھر میں گزشتہ 5ہفتوں سے جاری مہم میں 1لاکھ 24ہزار سے زائد چالان کیے گئے ۔75 ہزار سے زائد موٹر سائیکلوں کی نمبر پلیٹس کے ساتھ چھیڑ چھاڑ پر ایک کروڑ 50لاکھ 80ہزار کے جرمانے کیے گئے ،نمبر پلیٹس میں چھیڑ چھاڑ یا رد و بدل کرنے پر 13ہزار سے زائد موٹرسائیکلوں کو بند کیا گیا۔12ہزار سے زائد کاروں کو غیر نمونہ فینسی نمبر پلیٹس لگانے پر 60 لاکھ سے زائد کے جرمانے کیے گئے ،5600سے زائد موٹر سائیکل اور گاڑیوں کو جعلی نمبر پلیٹس لگانے پر سخت قانونی کارروائی کی گئی ۔ای چالان اور کیمروں سے بچنے کیلئے نمبر پلیٹس کے ہندسوں کو چھپانے پر 5ہزار سے زائد موٹرسائیکل گاڑیوں کے خلاف کارروائی کی گئی ،30ہزار 756کمرشل گاڑیوں کو بھی نمبر پلیٹس میں رد و بدل پر بھاری جرمانی اور سخت قانون کارروائی کی گئی ۔ ایڈیشنل آئی جی مرزا فاران بیگ نے کہا کہ صوبہ بھر میں ٹریفک پولیس کی کمرشل نان کمرشل ہر قسم کی گاڑیوں کے خلاف کاروائیاں جاری ہیں۔ نمبر پلیٹ گاڑی کی پہچان ہیگاڑی کی پہچان کو چھپانا قانونا جرم ہے۔ بوگس اور نمبر پلیٹس پر ٹیمپرنگ کرنے والوں کے خلاف مقدمات درج ہو رہے ہیں۔ ایڈیشنل آئی جی ٹریفک نے کہاکہ جعلی غیر قانونی نمبر پلیٹس لگا کر اپنا مستقبل تاریک مت بنائیں۔شہری ایکسائز کی رجسٹرڈ اور نمونہ کے مطابق نمبر پلیٹس کا استعمال کریں۔