عوامی تنقید کے باوجود جاپانی شہزادی کا 26اکتوبر کو اپنے کلاس فیلو سے شادی کرنے کا فیصلہ

عوامی تنقید کے باوجود جاپانی شہزادی کا 26اکتوبر کو اپنے کلاس فیلو سے شادی کرنے کا فیصلہ

ٹوکیو(ڈیلی پاکستان آن لائن)جاپان کے شاہی خاندان سے تعلق رکھنے والی 29سالہ شہزادی ماکو 26اکتوبر کو کالج کے سابق ہم جماعت سے شادی کریں گی۔ جمعے کے روزاٹھارٹی کی طرف سے جاری ایک بیان میں کہا گیا ہے شہنشاہ ناروہیتو کی 29 سالہ بھتیجی نے 2017 میں 29 سالہ کی کومورو سے منگنی کی تھی اورانہوں نے اس کا باقاعدہ اعلان مسکراہتے چہروں کے ساتھ ایک پریس کانفرس میں کیا تھا۔ اس اعلان کے بعد کئی سالوں کی جانچ پڑتال کے بعد انہیں شادی کرنے کی اجازت دے دی گئی ہے۔ اخبارات کے رپورٹس کے مطابق کومورو کی ماں اور اس کی سابقہ منگیتر کے درمیان مالی تنازعہ پیدا ہو گیا تھا جس کہ وجہ سے 2018میں اس شادی کو ملتوی کر دیا گیا تھا۔ اسی سال اگست میں کومورو قانون کی اعلیٰ تعلیم کے حصول کے لیے امریکہ روانہ ہو گئے تھے اور حال ہی میں یہ واپس جاپان پہنچے ہیں۔ دی امپرئیل ہاوٰس ہولڈ ایجنسی جو شاہی خاندان کے امور کی دیکھ بھال کرتی ہے اس نے ایک پریس کانفرنس میں اس شادی کی تاریخ کا اعلان کیا ہے۔ ایجنسی کی طرف سے یہ بھی بتایا گیا تھا کہ شادی کی راہ میں حائل رکاوٹوں کی وجہ سے شہزادی ماکو پوسٹ ٹرومیٹک اسٹریس ڈس آرڈر کا شکار ہو گئی تھیں۔ روایات کے مطابق شادی کے بعد شہزادی ماکو شاہی خاندان سے ناطہ توڑ دیں گی۔ شاہی خاندان کی طرف سے شادی کی کوئی بھی تقریب منعقد نہیں ہو گی اور شاہی خاندان سے باہر شادی کرنے کی پاداش میں شہزادی ماکو کو ایک ملین امریکی ڈالرز کا وظیفہ بھی ترک کرنا ہوگا۔ شہزادی ماکو اور کوموررو لوکل گورنمنٹ آفس میں اپنا نکاح رجسٹر کروائیں گے جہاں شہزدای ماکو کو اپنا شاہی ٹائیٹل بھی چھوڑنا ہوگا اور یہ لکھ کر دینا ہو گا کہ ان کا اب شاہی خاندان سے کوئی تعلق نہیں رہا۔ کومورو نے اس سال فورڈھم لا اسکول میں تعلیم مکمل کی اور بار کا امتحان دیا جس کے بعد وہ اپنی قانونی پریکٹس کا آغاز کر سکتے ہیں۔