عمران اعجاز۔۔پاکستان کاایک مثالی نوجوان

خصوصی تحریر:شاہدقادر
پاکستان کے ایک قابل فخر نوجوان عمران اعجازنے اپنی دنیا آپ پیدا کی ہے۔اگر ہمارے ملک کے نوجوان ان کے نقش قدم پر چلیں تو وہ دن دور نہیں جب پاکستان ترقی کی راہ پر سر پٹ دوڑ رہا ہوگا، ان شااللہ۔
عمران اعجاز ایک نوجوان پاکستانی کاروباری شخصیت ہیں، انہوں نے اوکاڑ ہ شہر میں ایک چھوٹے رینک کے پولیس افسرکے گھر میں آنکھ کھولی، جہاں وسائل کم تھے مگر خواب دیکھنے کی کوئی حد نہ تھی۔انہوں نے ایم بی اے کر نے کے بعداچھی نوکری کیلئے بھرپور کوشش کی لیکن قسمت کی دیوی مہربان نہ ہوئی تو ان کے ذہن میں یہ سوال گونجنے لگا کہ کیا ترقی صرف امیرزادوں کے لیے مخصوص ہے؟ کیا عام انسان جدید زندگی کی سہولتوں سے محروم رہے گا؟ اسی سوال نے ان کے اندرایک انقلابی سوچ پیدا کردی ۔قرآن پاک کی تعلیمات کی روشنی میں عمران اعجازنے اپنی زندگی میں ایک بنیادی اصول بنایا اور اپنایاکہ ہر مشکل کے بعد آسانی ہے۔ انہوںنے کاروبار میں پیش آنے والے مسائل کو گہرائی سے دیکھا اور ان کا حل نکالنے کی کوشش کی۔ ان کا ماننا تھا کہ کاروبارصرف امیروں کے لیے نہیں ہونا چاہیے، بلکہ یہ ہر فرد کا حق ہے۔ یہی سوچ تھی جس نے انہیںکاروبار کرنے پر مجبور کیا ۔ عمران اعجاز کے اصولوں پرمبنی کاروبارنے انقلاب برپا کر دیا۔
عمران اعجاز کی کہانی پاکستانی نوجوانوں کے لیے ایک سبق ہے۔ ہمارے نوجوان اکثر نوکری کے محدود دائرے میں پھنس کر اپنی خدادادتخلیقی صلاحیتوں کو ضائع کر دیتے ہیں۔عمران اعجازنوجوانوں کو یہ سکھاتے ہیں کہ بڑے خواب ہمیشہ ان لوگوں نے پورے کیے ہیں جنہوں نے اپنے راستے خود بنائے اور اپنی دنیا آپ پید اکی ہے۔وہ یہ سمجھتے تھے کہ انسان کو کسی کا محتاج نہیں ہونا چاہیے، بلکہ وہ خود اپنی قسمت کا معمار ہو۔آج پاکستان کے نوجوانوں کو یہ سمجھنا ہو گا کہ کاروبار صرف ایک ذریعہ معاش نہیں، بلکہ یہ زندگی کو بدلنے کا ایک ذریعہ ہے۔ یہ نہ صرف فرد کو مالی آزادی دیتا ہے بلکہ معاشرے کو خوشحالی کی طرف لے جاتا ہے۔ چھوٹے کاروبار سے آغاز کریں، اپنے اردگرد کے مسائل کو دیکھیں، اور ان کا حل پیش کرنے کی کوشش کریں۔ یہ نہ صرف کامیابی کا راز ہے بلکہ ایک مثبت تبدیلی کی بنیاد بھی ہے۔عمران اعجاز کے نزدیک کاروبار کا مطلب صرف پیسہ کمانا نہیں، بلکہ ایک وژن کو حقیقت میں بدلنا ہے۔اسی اصول پر کاربند رہتے ہوئے عمران اعجاز نے اپنے ملازمین کو خوشحال بنایاہے، ان کے حقوق کا خیال رکھا اور یہ ثابت کیا کہ کاروبار کا سب سے بڑا سرمایہ انسان ہیں۔ پاکستانی نوجوانوں کو چاہیے کہ وہ بھی اپنے خوابوں کو بڑے پیمانے پر دیکھیں، جدید ٹیکنالوجی کا استعمال کریں اور اپنے ملک کے لیے مثبت کردار ادا کریں۔
عمران اعجاز کی کہانی صرف ایک شخص کی کامیابی نہیں بلکہ یہ اس بات کا اعلان ہے کہ انسان کی سوچ اگر بلند ہو، ارادے مضبوط ہوں، اور مقصد واضح ہو تو دنیا کی کوئی طاقت اسے روک نہیں سکتی۔ آج کے نوجوانوں کے لیے یہ لازم ہے کہ وہ اس داستان سے سبق سیکھیں، نوکری کے بجائے کاروبار کو ترجیح دیں اور اپنے خوابوں کو حقیقت کا روپ دیں۔عمران اعجاز کی کہانی ایک گواہی ہے کہ جدوجہد کبھی ضائع نہیں جاتی اور جو لوگ خواب دیکھتے ہیں اور انہیں پورا کرنے کی ہمت رکھتے ہیں، وہی قوم کے اصل معمار ہوتے ہیں۔ ہمارا مستقبل عمران اعجاز جیسے نوجوانوں کے ہاتھ میں ہے جو نوکری کے محدود خوابوں کو چھوڑ کر ایک نئی دنیا تخلیق کرنے کا عزم رکھتے ہیں۔ عمران اعجاز نے اپنی اور اپنے کاروبار کی کامیابی کے لیے ایمانداری کے ساتھ بہت زیادہ محنت کی۔ انہوں نے اپنی بھرپور محنت اور لگن کے ذریعے اس برانڈ کو کامیابی کی بلندیاں عطا کیں۔عمران اعجاز کے کاروباری سفر میں کئی چیلنجز آئے، لیکن انہوں نے ہمیشہ مثبت سوچ اور بہترین منصوبہ بندی کے ذریعے ان کا مقابلہ کیا۔ انہوں نے اپنے کاروبار کو کامیابی کی راہ پر گامزن کرنے کے لیے مختلف نئے آئیڈیاز اور مارکیٹنگ حکمت عملیوں کا استعمال کیا۔ ان کی کہانی خاص طور پر ان کی محنت، عزم صمیم اور نئے چیلنجز کا سامنا کرنے کی صلاحیت سے بھرپور ہے۔ ان کی کہانی نوجوانوں کے لیے متاثر کن ہے، کیونکہ وہ خود سے شروع کرنے والے کاروباریوں کو اس بات کی مثال دیتے ہیں کہ محنت، عزم اور درست حکمت عملی سے کیسے کامیابی حاصل کی جا سکتی ہے۔
ایک کامیاب کاروبار کے لیے جن اچھی انتظامی صلاحیتوں کی ضرورت ہوتی ہے، وہ عمران اعجاز نے اپنے تجربات کے ذریعے حاصل کیں۔عمران اعجاز اپنی زندگی میں تبدیلی ،کامیابی اور ترقی کے راز کو بیان کرتے ہوئے بتاتے ہیں کہ کسی بھی کامیابی کی بنیاد ایمانداری،سخت محنت اور پختہ عزم ہے۔ کاروبار میں کامیاب ہونے کے لیے
نئے خیالات اور منفرد مصنوعات کی ضرورت ہوتی ہے۔ عمران اعجاز نے میڈ ان پاکستان کے سلوگن کے تحت ”چیزیس ” کوپاکستان کی پہچان بنا دیاہے ۔ہمارے نوجوانوں کو عمران اعجاز کی کہانی سے سبق حاصل کرنا چاہیے کیونکہ یہ کہانی سبق آموز ہے اور کاروباری زندگی میں کامیابی کے اصولوں پر مشتمل ہے۔