Breaking News
Home / پاکستان / شیخ رشید سیاسی مسخرہ ہے، گرفتاری قانونی ضابطہ کے تحت ہوئی، رانا ثناء اللہ

شیخ رشید سیاسی مسخرہ ہے، گرفتاری قانونی ضابطہ کے تحت ہوئی، رانا ثناء اللہ

قتل اور ہشت گرد تنظیموں سے رابطے ہونے کا الزام سنگین الزام لگانے والے قانون کا سامنا کریں ، رانا ثناء اللہ
اسلام آباد (ڈیلی پاکستان آن لائن) وزیرداخلہ رانا ثناء اللہ خاں نے سابق وزیر داخلہ شیخ رشید کی گرفتاری پر کہا ہے کہ قانونی کارروائی ہورہی ہے ، 15 کلوہیروئن تو نہیں ڈالی ،حکومت کاکوئی تعلق نہیں، سیاسی مسخرہ سیاسی رنگ دینے کی کوشش کررہا ہے،قتل اور ہشت گرد تنظیموں سے رابطے ہونے کا الزام سنگین الزام لگانے والے قانون کا سامنا کریں ۔ اپنے بیان میں انہوں نے کہاکہ صرف قانون پر عمل ہوا ہے، پسلیاں تو نہیں تڑوائیں ؟،میڈیا کے سامنے پولیس والوں کو دھکے دینے والامارپیٹ کرنے کا جھوٹ بول رہا ہے ،”قانون کے نیچے لائوں گا” کے ڈائیلاگ بولنے والا قانون کے نیچے آنے سے کیوں ڈرتا ہے؟۔ انہوں نے کہاکہ قانون کی خلاف ورزی پر قانونی کارروائی کرنا پولیس کا قانونی فرض ہے۔ وزیر داخلہ نے کہاکہ طیبہ گل کی طرح اغوا کیا ہے نہ بشیر میمن کی طرح واش روم میں بند کیا ہے ،خلاف قانون کام نہیں کیا تو عدالت کو بتادیں ۔ انہوںنے کہاکہ قانون کے سامنے سب برابر ہیں، قانون توڑنے پر جواب تو دینا پڑے گا ۔ انہوںنے کہاکہ قتل اور ہشت گرد تنظیموں سے رابطے ہونے کا الزام سنگین الزام لگانے والے قانون کا سامنا کریں ۔ انہوں نے کہاکہ عمران نیازی نے سیاسی مخالفین، سچ بولنے والے صحافیوں کو جیلوں میں ڈالا، جھوٹے مقدمے بنوائے ۔ وفاقی وزیر نے کہاکہ گزشتہ چار سال کے سیاہ دور میں صحافیوں کو گولیاں ماری گئیں، پسلیاں توڑی گئیں ۔ انہوںنے کہاکہ باس اور چپڑاسی دونوں کی قانون کا سامنا کرنے سے ہوا نکلی ہوئی ہے ،یہ ہر اْس ادارے کو گالیاں دیتے ہیں جو اِن سے جواب مانگے۔

User Rating: Be the first one !

About Daily Pakistan

Check Also

مالی مسائل کے باعث پی آئی اے کا کینیڈا فضائی آپریشن بھی بند ہونے کا خدشہ

کراچی(ڈیلی پاکستان آن لائن) سنگین مالی مسائل کے باعث قومی ایئرلائن(پی آئی اے)کا کینیڈا فضائی …

Skip to toolbar