Daily Pakistan Online News, Sports, Blogs, Media
Related Articles
شہبازشریف کا رمضان المبارک میں اشیائے خوردونوش کی سستے داموں عوام کو فراہمی کا مطالبہ
کورونا کی صورتحال میں چینی کی قطاریں عوام کے لئے خطرہ اور توہین کے مترادف ہیں، اپوزیشن لیڈر کا بیان
اسلام آباد اپریل 27 (ڈیلی پاکستان آن لائن ) پاکستان مسلم لیگ (ن) کے صدر اور قائد حزب اختلاف شہبازشریف نے رمضان المبارک میں اشیائے خوردونوش کی سستے داموں عوام کو فراہمی کا مطالبہ کرتے ہوئے کہا ہے کہ کورونا کی صورتحال میں چینی کی قطاریں عوام کے لئے خطرہ اور توہین کے مترادف ہیں۔
اپنے بیان میں انہوں نے کہاکہ رمضان المبارک کے دوران خوراک، پھل اور دیگر ضروری اشیاءکی قیمتیں کم کی جائیں ۔
انہوں نے کہاکہ یوٹیلیٹی سٹورز پر چینی کی فراہمی کا طریقہ آسان ور اشیاءکا معیار بہتر بنایا جائے۔
انہوں نے کہاکہ کورونا کی صورتحال میں چینی کی قطاریں عوام کے لئے خطرہ اور توہین کے مترادف ہیں۔
انہوں نے کہا کہ رمضان المبار ک کے دوران اورعید کی آمد کے قریب بازاروں میں ہجوم کو خاص طورپر روکنا ہوگا ۔
انہوں نے کہاکہ کورونا کی شدت کے دوران عوام کی جان کی حفاظت یقینی بناتے ہوئے عید منانے کی تیاریوں کا انتظام کیاجائے۔
