Home / پاکستان / شہبازشریف نیب نیازی گٹھ جوڑ کے جھوٹے مقدمات میں پیش ،عمران صاحب آپ 10ارب ہرجانے کے کے مقدمے میں کب پیش ہوں گے؟مریم اور نگزیب

شہبازشریف نیب نیازی گٹھ جوڑ کے جھوٹے مقدمات میں پیش ،عمران صاحب آپ 10ارب ہرجانے کے کے مقدمے میں کب پیش ہوں گے؟مریم اور نگزیب

شہبازشریف نیب نیازی گٹھ جوڑ کے جھوٹے مقدمات میں پیش ،عمران صاحب آپ 10ارب ہرجانے کے کے مقدمے میں کب پیش ہوں گے؟مریم اور نگزیب

بی آر ٹی کے 126کے کھڈوں میں عمران صاحب کو نیب نہیں بلائے گا؟مالم جبہ کی چوری میں نیب عمران خان کو نہیں بلائے گا؟ ہیلی کاپٹر کیس میں ملزم عمران خان کو نیب نہیں بلائے گا؟، بیان

اسلام آباد (ڈیلی پاکستان آن لائن) پاکستان مسلم لیگ (ن) کی ترجمان مریم اورنگزیب نے کہا ہے کہ شہبازشریف کورونا کے باوجود نیب نیازی گٹھ جوڑ کے جھوٹے مقدمات میں پیش ہورہے ہیں ،عمران صاحب آپ 10ارب ہرجانے کے شہبازشریف کے مقدمے میں کب پیش ہوں گے؟۔

جمعرات کو پاکستان مسلم لیگ ن کی ترجمان مریم اورنگزیب کی وزیراعظم عمران خان اور نیب پر کڑی تنقید کی ۔

اپنے بیان میں مریم اورنگزیب نے کہاکہ شہباز شریف کورونا کے باوجود نیب نیازی جھوٹے مقدمات میں پیش ہورہے ہیں قوم دیکھ رہی ہے کہ آئین اور قانون کی پاسداری کون کررہا ہے۔

ان کا کہنا تھا کہ عمران صاحب اور ان کے مفرور حواری عدالتوں میں کب پیش ہوں گے؟

مریم اورنگزیب کا کہنا تھا کہ ڈاکٹرز کی ہدایت کے برعکس شہبازشریف آئین اور قانون کے سامنے سر جھکارہے ہیں عمران خان فارن فنڈنگ، ہیلی کاپٹر، بلین ٹری سونامی، 23 خفیہ اکاونٹس میں کب پیش ہوں گے؟۔

انہوں نے کہاکہ عمران صاحب کورونا کے بہانے آپ اور آپ کا وکیل پیش نہیں ہوتا تاہم شہبازشریف پیش ہوتے ہیں ہے کوئی جواب ہے ؟

ان کا کہنا تھا کہ نیب نیازی گٹھ جوڑ کسی عوامی منصوبے میں کرپشن، کک بیکس، کمیشن یا اختیارات کا ناجائز استعمال ثابت نہیں کرسکا ،شہبازشریف کی بے گناہی اعلی عدالتوں میں ثابت ہوچکی ہے لیکن نیب نیازی گٹھ جوڑ کوشرم نہیں آئی۔مریم اورنگزیب نے کہا کہ نیب کورونا کے باوجود ہدایت کے برخلاف یہ ہے قانون ایک دھیلے کی کرپشن نہیں ملی لیکن نیب نیازی گٹھ جوڑ کے جھوٹے الزام ختم نہیں ہوئے انہوں نے کہا کہ ذاتی کاروبار میں بھی کرپشن کا کوئی عنصر نہیں مل سکا لیکن پھر بھی عمران خان کے انتقام کا سلسلہ جاری ہے.

مریم اورنگزیب سوالات اٹھاتے ہوئے کہا کہ شہبازشریف نے جیل کا عقوبت خانہ، جیل کاٹی، کورونا کے باوجود قانون کا سامنا کیا، یہ ہوتی ہے سچائی اور ایمانداری ۔ انہوںنے کہاکہ عمران خان شہبازشریف کی طرح جرات دکھائیں، 10 ارب ہرجانے، فارن فنڈنگ میں پیش ہوں بی آر ٹی کے 126کے کھڈوں میں عمران صاحب کو نیب نہیں بلائے گا؟بی آر ٹی پشاور کا سامان چوری ہوجائے لیکن عمران خان کو نیب نہیں بلائے گا؟

مالم جبہ کی چوری میں نیب عمران خان کو نہیں بلائے گا؟ہیلی کاپٹر کیس میں ملزم عمران خان کو نیب نہیں بلائے گا؟چینی چوری میں ملزم عمران خان کو نیب نہیں بلائے گا؟مریم اورنگزیب نے کہا کہ پٹرول چوری میں ملزم عمران خان کو نیب نہیں بلائے گا؟

ایک لاکھ روپے ٹیکس دے کر کروڑوں کا گھر تعمیر کرانے پر ملزم عمران خان کو نیب نہیں بلائے گا؟ایک لاکھ روپے ٹیکس دے کر بنی گالہ کا 300 کنال کا محل غیرقانونی جگہ پر تعمیر کرنے پر نیب ملزم عمران خان کو نہیں بلائے گا؟۔

User Rating: Be the first one !

About Daily Pakistan

Check Also

اولاد کو خواتین کی عزت اور احترام سکھانا والدین کی ذمہ داری ہے، شاہ رخ خان

اولاد کو خواتین کی عزت اور احترام سکھانا والدین کی ذمہ داری ہے، شاہ رخ …

Skip to toolbar