Home / انٹر نیشنل / شام کے 93 لاکھ شہریوں کو اس موسم سرما میں خوراک کی بڑھتی ہوئی کمی کا سامنا ہے،اقوام متحدہ

شام کے 93 لاکھ شہریوں کو اس موسم سرما میں خوراک کی بڑھتی ہوئی کمی کا سامنا ہے،اقوام متحدہ

اقوام متحدہ۔ 29 نومبر (ڈیلی پاکستان آن لائن ): شام کے 93 لاکھ شہریوں کو اس موسم سرما میں خوراک کی بڑھتی ہوئی کمی کا سامنا ہے۔امریکی ذرائع ابلاغ کے مطابق سلامتی کونسل کے اجلاس سے خطاب کرتے ہوئے اقوام متحدہ کے انسانی ہمدردی سےمتعلق امور کے قائم مقام نائب سربراہ رمیش راجہ سنگھم نے بتایا کہ شام کے 93 لاکھ شہریوں کو اس موسم سرما میں خوراک کی بڑھتی ہوئی کمی کا سامنا ہے .
گزشتہ ایک ماہ کے دوران امدادی قیمت پر فراہم کی جانے والی روٹی کے دام دو گنا ہو چکے ہیں اور وہ لوگوں کی پہنچ سے دور ہوتی جا رہی ہے۔انہوں نے بتایا کہ غریب ترین لوگوں کا انحصار امدادی قیمت پر ملنے والی روٹی پر ہے اور گزشتہ ماہ اس کی قیمتوں میں نہ صرف دگنا اضافہ ہوا ہے بلکہ روٹی کے ایک پیکٹ کے وزن میں 15 فیصد کمی بھی ہوئی ہے۔انہوں نے مزید کہا کہہ اندرونِ ملک بے گھر ہونے والے 67 لاکھ شامی باشندوں کو مناسب چھت میسر نہیں اور ان میں سے زیادہ تر کے پاس موسم سرما سے بچاؤ کیلئے کمبل اور حرارت حاصل کرنے کیلئے ایندھن موجود نہیں ہے جبکہ کرونا وائرس کے مریضوں میں بھی اضافہ ہو رہا ہے جس سے شام کی آبادی کو ایک نئی مصیبت کا سامنا ہو سکتا ہے کیونکہ یہاں صحت کی دیکھ بھال اور علاج معالجے کا نظام بھی ناگفتہ بہ حالت میں ہے۔

User Rating: Be the first one !

About Daily Pakistan

Check Also

نائیجیریا میں اغوا کے خوف سے 12 ملین سے زائد بچوں نے سکول جانا بند کر دیا

نائیجیریا میں اغوا کے خوف سے 12 ملین سے زائد بچوں نے سکول جانا بند …

Skip to toolbar