Daily Pakistan Online News, Sports, Blogs, Media
Related Articles
سندھ ٹورازم ڈویلپمنٹ کارپوریشن میں کرپشن کیس کے شریک ملزم کی ضمانت سے متعلق کیس میںنیب کو نوٹس جاری
اسلام آباد (ڈیلی پاکستان آن لائن) سپریم کورٹ نے سندھ ٹورازم ڈویلپمنٹ کارپوریشن میں کرپشن کیس کے شریک ملزم کی ضمانت سے متعلق کیس میںنیب کو نوٹس جاری کر دیا ۔
جمعرات کو جسٹس مشیر عالم کی سربراہی میں دو رکنی بینچ نے کیس کی سماعت کی۔ نثار اے مجاہد ایڈووکیٹ ملزم نے کہاکہ عبد المجید سومرو نے محکمے کے لیے ڈاکومنٹری بنائی جسے کرپشن کا ملزم بنا دیا گیا،نیب کا الزام درست نہیں کہ فلم بنائی ہی نہیں گئی۔
انہوں نے کہا کہ فلم کی منظوری کا تمام ریکارڈ پٹیشن کے ہمراہ لگایا ہے،عدالت نے ملزم کی ضمانت قبل از گرفتاری پانچ لاکھ روپے کے مچلکوں کے عوض منظور کر لی،عدالت نے آئندہ سماعت پر پیش ہونے کے لیے نیب کو نوٹس جاری کر دیا۔
