Home / انٹر نیشنل / سعودی عرب کا کرونا ویکسین کی تیاری کے لیے ڈیڑھ ارب ڈالر دینے کا اعلان

سعودی عرب کا کرونا ویکسین کی تیاری کے لیے ڈیڑھ ارب ڈالر دینے کا اعلان

سعودی عرب کا کرونا ویکسین کی تیاری کے لیے ڈیڑھ ارب ڈالر دینے کا اعلان

انسانی صحت کا تحفظ حکومت کی پہلی ترجیح ، اس حوالے سے مملکت عالمی برادری کی ہرممکن مدد کرےگی،وزیرخارجہ

ریاض (ڈیلی پاکستان آن لائن)سعودی عرب کے وزیر خارجہ شہزادہ فیصل بن فرحان نے بتایا ہے کہ سعودی عرب نے کرونا وائرس سے بچاﺅ کے لیے ڈیڑھ ارب ڈالر کی رقم مختص کرنے کا اعلان کیا ہے۔

میڈیارپورٹس کے مطابق کرونا وائرس سے بچاﺅ کے لیے منعقدہ ایک ورچوئل کانفرنس سے خطاب کے بعد ٹویٹر پر پوسٹ کردہ ایک بیان میں کہا کہ مملکت کی طرف سے کرونا کی وبا سے بچاﺅ کی خاطرویکسسین کی تیاری کے لیے ڈیڑھ ارب ڈالر مختص کرے گا جک کہ عالمی سطح پر اس وبا پرقابو پانے اور اس کی روک تھام کے پانچ سو ملین ڈالر کی رقم مختص کی جائے گی۔

سعودی وزیرخارجہ کا کہنا تھا کہ انسانی صحت کا تحفظ حکومت کی پہلی ترجیح ہے اور اس حوالے سے مملکت عالمی برادری کی ہرممکن مدد کرےگی۔

سعودی وزیر خا کہنا تھا کہ انسانی زندگی اور صحت کا تحفظ ضروری ہے اور اس کے لیے قربانی، تعاون اور مدد کی ضرورت ہے۔ آنے والی انسانی نسلوں کی ترقی، خوش حالی اور بقا کے لیے صحت مند معاشروں کا ہونا ضروری ہے۔خیال رہے کہ اس سے قبل سعودی عرب کرونا کی وبا سے نمٹنے کےلیے پانچ ارب ڈالر کی خطیر رقم مختص کی تھی۔برطانیہ کی میزبانی میں ہونے والی ورچوئل کانفرنس میں جمعرات کے روز کرونا وبا کی روک تھام اور اس کی ویکسین کی تیاری کے لیے اربوں ڈالر امداد کے وعدے کیے گئے ہیں۔

User Rating: Be the first one !

About Daily Pakistan

Check Also

انسداد دہشتگردی عدالت نے موٹروے ریپ کیس کے مرکزی ملزمان کو سزائے موت سنا دی .

لاہور: 20 مارچ( ڈیلی پاکستان آن لائن ) لاہور کی انسداد دہشتگردی عدالت نے موٹر …

Skip to toolbar