Breaking News
Home / انٹر نیشنل / بھارتی ریاست کیرالہ میں 3 ماہ کے دوران 66 بچے خودکشی کر گئے.

بھارتی ریاست کیرالہ میں 3 ماہ کے دوران 66 بچے خودکشی کر گئے.

61 بچوں نے پھندے سے لٹک کر اپنی جان لی

نئی دہلی ۔ ( ڈیلی پاکستان آن لائن) بھارتی ریاست کیرالہ میں 3 ماہ کے دوران 66 بچے خودکشی کر چکے ہیں، ان میں 64 بچوں کی عمر 12 سے 18 سال تھی جب کہ 2 بچے 12 سال سے بھی کم عمر تھے،ان میں سے 61 نے پھندے سے لٹک کر اپنی جان لی۔ذرائع کے مطابق حکومت نے اس رجحان کو روکنے کے لیے بچوں کی کاؤنسلنگ کرنے کا فیصلہ کیا ہے۔ کیرالہ کے وزیراعلیٰ پناروای وجیئن کا کہنا ہے کہ سکول بند ہیں اور ممکن ہے کہ بچوں کو لاک ڈاوؤن میں ذہنی اور نفسیاتی مسائل کا سامنا کرنا پڑ رہا ہو۔ ریاستی حکومت نے ایک سینئر پولیس افسر کی سربراہی میں ایک کمیٹی تشکیل دی ہے جو اس معاملے کو دیکھے گی۔ماہرین نفسیات اس طرف توجہ دلا رہے ہیں کہ لاک ڈاوؤن کے دوران بچے اہلخانہ کے ساتھ گھر میں وقت گزار رہے ہیں اور ان پر بیرونی دباو¿ نہیں اس کے باوجود اگر وہ اپنی زندگی کا خاتمہ کر رہے ہیں تو وجوہ جاننے پر توجہ دینی چاہیے۔بچوں کی خودکشی کے حالیہ اعداد و شمار لائق تشویش ہیں لیکن ریاست کے کرائم ریکارڈز بیورو کا کہنا ہے کہ گزشتہ سال اس عرصے میں زیادہ بچوں نے خودکشی کی تھی جن کی تعداد 83 تھی۔ کیرالہ میں 2014ءمیں 330، 2015 ءمیں 297 اور 2016ءمیں 242 بچوں نے اپنی جان خود لی تھی۔کیرالہ بچوں کے علاوہ بڑے بھی خودکشیاں کر رہے ہیں جس کی وجہ معاشی مسائل ہیں۔

User Rating: Be the first one !

About Daily Pakistan

Check Also

آسٹریلیا نے حزب اللہ کو مکمل طور پر دہشت گرد تنظیم قرار دے دیا

آسٹریلیا نے حزب اللہ کو مکمل طور پر دہشت گرد تنظیم قرار دے دیا کینبرا(ڈیلی …

Skip to toolbar