بڑی، چھوٹی سکرین کی اپنی اپنی شہرت، دونوں پر راج کیا:ثناء

لاہور( ڈیلی پاکستان آن لائن) نامور اداکارہ ثناء نے کہا ہے کہ بڑی اور چھوٹی سکرین کی اپنی اپنی شہرت ہے اور میں خوش قسمت ہوں کہ میں دونوں پرکامیاب رہی ہوں ،اب پڑھے لکھے لڑکے اور لڑکیاں شوبزمیں آرہے ہیں جو خوش آئند ہے ، ان لوگوں کا راستہ روکنے کی بجائے انہیں خوش آمدید کہا جائے اور اس کے ساتھ انہیں بھرپور سپورٹ فراہم کی جائے ۔ایک انٹر ویو میں اداکارہ نے کہا کہ اب نئے رجحان کے مطابق فلمیں بنیں گی تو کامیاب ہوں گی ، اب لکھنے والوں اور فلم بنانے والوں کو اکٹھے بیٹھنا ہوگا کہ لوگ دیکھنا کیا چاہتے ہیں اور اسی کے مطابق کہانی لکھنا ہو گی ۔انہوں نے کہاکہ جب بھی موقع ملتا ہے کام کرتی ہوں ، میں نے جتنا بھی کام کیا ہے وہ لگن اورجذبے سے کیا ہے ۔