ممبئی ( ڈیلی پاکستان آن لائن) بالی ووڈ کے نامور اداکاررشی کپور ممبئی کے ایک ہسپتال میں انتقال کرگئے۔ رشی کپور کی عمر سڑسٹھ سال تھی انہیں گزشتہ روز انہیں سانس کے مسئلے کے باعث ہسپتال منتقل کیاگیاتھا۔
رشی کپور کے انتقال کی خبر بالی ووڈ سپر سٹار امیتابھ بچن نے اپنے ٹویٹر پر شیئر کی ہے۔ ان کا کہنا تھا کہ انہیں ابھی ابھی پتہ چلا ہے کہ رشی چلے گئے۔ میں یہ سن کر بکھر گیا ہوں۔
رشی کپور کے بھائی رندھیر کپور کا کہنا تھا کہ انہیں سانس لینے میں مشکل ہو رہی تھی جس کی وجہ سے انہیں سٹی ہسپتال منتقل کیاگیا۔
رشی کے انتقال سے قبل میڈیا سے گفتگو کرتے ہوئے رندھیر کپور نے کہا کہ رشی کپورکینسر کے عارضے میں مبتلا تھے جبکہ انہیں سانس لینے میں بھی دشواری ہورہی تھی جس کی وجہ سے انہیں ہسپتال منتقل کیاگیا
خیال رہے کپور خاندان سے تعلق رکھنے والے رشی نے بالی ووڈ میں درجنوں کامیاب فلمیں کی ہیں۔
رشی کپور کا انتقال بھارتی فلم انڈسٹری بالی ووڈ کو گزشتہ دو دنوں مین ہونے والادوسرا بڑا نقصان ہے۔ گزشتہ روز بالی ووڈ کے لیجنڈ اداکار عرفان خان بھی وفات پاگئے تھے۔ انہیں بڑی ا?نت میں انفیکشن کی وجہ سے ا?ئی سی یو میں منتقل کیاگیاتھا تاہم وہ جانبر نہ ہوسکے۔
عرفان کے بعد رشی کے انتقال پر بھارتی فلم انڈسٹری کے مداح غم سے نڈھال ہیں
Tags #رشی_کپور، #انتقال، #بالی_ووڈ، #رندھیرکپور،
Check Also
بھارت میں مشتعل کسانوں نے 8 مارچ کو پارلیمنٹ کے گھیراؤ کا اعلان کردیا۔
نئی دہلی : 22 فروری ( ڈیلی پاکستان آن لائن ) بھارت میں زرعی قوانین …