Breaking News
Home / صفحۂ اول / بابر اعظم کی اپنی 8 سالہ پرستار سامعہ سے ویڈیو پر ملاقات

بابر اعظم کی اپنی 8 سالہ پرستار سامعہ سے ویڈیو پر ملاقات

بابر اعظم کی اپنی 8 سالہ پرستار سامعہ سے ویڈیو پر ملاقات

بابر اعظم ایک سپر ہیرو ہیں اور جس طرح وہ اپنی بیٹنگ کی بدولت دنیا بھر میں پاکستان کا نام روشن کررہے ہیں، سامعہ

انگلینڈ کے خلاف سیریز کے د وران،کھیل کے اہم اسٹیک ہولڈر شائقین کی اسٹیڈیم میں کمی کو ضرور محسوس کریں گے، بابر اعظم

پاکستان اور انگلینڈ کے درمیان 5 اگست سے شروع ہونے والی ٹیسٹ اور ٹی ٹونٹی سیریز بائیو سیکیور ماحول میں کھیلی جائےگی

لاہور (ڈیلی پاکستان آن لائن) کوویڈ 19 کے باعث پاکستان اور انگلینڈ کے درمیان 5 اگست سے شروع ہونے والی ٹیسٹ اور ٹی ٹونٹی سیریز بائیو سیکیور ماحول میں کھیلی جائےگی، بند دروازوں میں شیڈول اس سیریز میں کھیل کے سب سے اہم اسٹیک ہولڈر، شائقین کرکٹ، انکلوژرز میں بیٹھ کر اپنے پسندیدہ کھلاڑیوں کی حوصلہ افزائی نہیں کرسکیں گے۔

کھلاڑیوں اور مداحوں کے درمیان ان ممکنہ فاصلوں کو دور کرنے کے لیے پاکستان کرکٹ بورڈ نے انگلینڈ میں موجود چمپئن بیٹسمین بابر اعظم اور لاہور میں موجود اُن کی 8 سالہ مداح کے درمیان ایک ویڈیو کانفرنس کا اہتمام کیا۔

بابر اعظم کی 8 سالہ مداح سامعہ افسر کو بطور کرکٹ فین اس وقت شہرت ملی جب رواں سال کے آغاز میں ان کی نیٹ پر شاندار بیٹنگ کی ویڈیو سوشل میڈیا پر وائرل ہوگئی تھی،اس ویڈیو میں ننھی کرکٹر ہر گیند پر دلکش اسٹروکس کھیلتی نظر آئیں۔ اس موقع پر سری لنکا کےسابق کپتان اور ایم سی سی کے موجودہ صدر کمار سنگاکارا نے سوشل میڈیا پر وائرل اس ویڈیو پر کمنٹ کرتے ہوئے کہا تھا کہ ننھی کرکٹر کی ویڈیو سے آگے نہیں بڑھ پارہے، اس کی تکنیک ان سے بھی بہتر ہے اور انہیں کرکٹ میں ایسے ٹیلنٹ کو دیکھ کر بہت حوصلہ ملتا ہے۔

اپنی ننھی پرستار کے ساتھ بات چیت کرتے ہوئے قومی ایک روزہ اور ٹی ٹونٹی کرکٹ ٹیم کے کپتان بابر اعظم نے سامعہ افسر کی بیٹنگ کی خوب تعریف کرتے ہوئے انہیں ایک بہترین بیٹر بننے کے لیے مفید مشورے دئیے۔ یہاں یہ بات قابلِ ذکر ہے کہ ننھی پرستار سامعہ افسر کی صلاحیتیں صرف کرکٹ تک ہی محدود نہیں ہیں بلکہ انہوں نے بابر سے آن لائن ملاقات کرنے سے قبل بلے باز کی تصویر کا ایک دلفریب خاکہ بھی تیار کیا ہے، جسے وہ وطن واپسی پر بابر اعظم کو بطورِ تحفہ پیش کرنے کی خواہش رکھتی ہیں۔

بابر سے آن لائن ملاقات پر خوشی کا اظہار کرتے ہوئے سامعہ افسر نے کہا کہ وہ بابر اعظم کی سب سے بڑی پرستار ہیں اور وہ ان کی طرح ایک نامور کرکٹر بننا چاہتی ہیں۔

ننھی پرستار نے کہا کہ بابر اعظم ایک سپر ہیرو ہیں اور جس طرح وہ اپنی بیٹنگ کی بدولت دنیا بھر میں پاکستان کا نام روشن کررہے ہیں، بالکل اسی طرح وہ بھی ایک دن قومی خواتین کرکٹ ٹیم کے لیے کامیابیاں سمیٹنے کی خواہش رکھتی ہیں۔

انہوں نے کہا کہ بابراعظم نے انہیں بیٹنگ میں بہتری لانے کے لیے مفید مشورے دئیے ہیں، جس پر وہ مکمل عمل کرنے کی کوشش کریں گی۔ بابر اعظم کا کہنا ہے کہ شائقین کرکٹ، کھیل کا سب سے اہم حصہ ہیں اور وہ اچھے یا بُرے ہر وقت میں کھلاڑیوں کی حوصلہ افزائی کے لئے متحرک رکھتے ہیں۔

انہوں نے کہا کہ وہ انگلینڈ کے خلاف سیریز کے د وران،کھیل کے اس اہم اسٹیک ہولڈر کی اسٹیڈیم میں کمی کو ضرور محسوس کریں گے۔

انہوں نے کہا کہ سامعہ افسر سے ویڈیو پر ملاقات کرکے بہت خوشی ہوئی ہے، وہ ایک سپر اسٹار ہیں۔ بابر اعظم نے کہا کہ جب انہوں نے سامعہ افسر کی بیٹنگ کی ویڈیو پہلی مرتبہ دیکھی تو وہ اس قلیل عمر میں ان کی بیٹنگ کی صلاحیتیں دیکھ کر حیران رہ گئے۔

بابر اعظم نے کہا کہ سامعہ افسر میں ایک عمدہ بیٹر بننے کی قابلیت موجود ہے اور وہ کوویڈ 19 کی صورتحال بہتر ہونے پر اس ننھی پرستار سے ملنے کے منتظر ہیں۔کپتان قومی ایک روزہ اور ٹی ٹونٹی کرکٹ ٹیم، بابر اعظم نے کہا کہ چھوٹی عمر سے کھیلوں میں شرکت کسی بھی انسان کو زندگی کی بہتر سمجھ کے ساتھ ساتھ نظم و ضبط کا پابند بنادیتی ہے، وہ اس موقع پر اپنے نوجوان مداحوں سے درخواست کریں گے کہ وہ تعلیم اور جسمانی تربیت کے حصول کو یقینی بنائیں۔

User Rating: Be the first one !

About Daily Pakistan

Check Also

امریکی صدر ڈونلڈ ٹرمپ کا چین میں ایک بینک اکاؤنٹ نکل آیا. نیویارک ٹائمز

چین میں بینک اکاؤنٹ کے ذریعے مقامی ٹیکسوں کی مد میں ایک لاکھ 88 ہزار …

Leave a Reply

Your email address will not be published. Required fields are marked *

Skip to toolbar