Home / انٹر نیشنل / انڈونیشیا کے بالی میں زلزلہ، تین ہلاک ، 7 زخمی

انڈونیشیا کے بالی میں زلزلہ، تین ہلاک ، 7 زخمی

انڈونیشیا کے بالی میں زلزلہ، تین ہلاک ، 7 زخمی

جکارتہ(ڈیلی پاکستان آن لائن) انڈونیشیا کے ریزورٹ جزیرے بالی میں ہفتے کے روز آنے والے شدید زلزلے میں اب تک تین افراد ہلاک اور سات افراد زخمی ہوئے ہیں۔ریکٹر اسکیل پر زلزلہ کی شدت 4.8 تھی ۔زلزلہ کے شدید جھٹکوں کی وجہ سے کئی گھروں کو نقصان پہنچنے کی اطلاعات ہیں۔انڈونیشیا کی سرچ اینڈ ریسکیو ایجنسی کے مطابق زلزلے کے باعث مٹی کا تودہ گرنے سے دو افراد ہلاک ہوئے جبکہ ایک تین سالہ بچی ملبے کے نیچے دبنے سے ہلاک ہوئی۔ امریکی جیولوجیکل سروے (یو ایس جی ایس)نے کہا کہ 4.8 شدت کا زلزلہ بنجر وانگسیان میں آیا اور اس کی گہرائی 10 کلومیٹر تھی۔ زلزلے سے متاثرہ تمام افراد کو باہر نکال لیا گیا ہے جبکہ بالی کی ڈیزاسٹر میٹی گیشن ایجنسی کی جانب سے نقصانات کے اعداد و شمار جمع کیے جا رہے ہیں۔ ریسکو آپریشن کے ذریعے لوگوں کو ایک جھیل کے راستے محفوظ مقام پر پہنچایا گیا کیونکہ متاثرہ کمیونٹی کا راستہ لینڈ سلائیڈنگ سے منقطع ہو گیا تھا۔بالی کے دیگر حصوں میں کوئی خاص نقصان نہیں ہوا جبکہ زلزلے کے جھٹکے پڑوسی جزیرے لومبوک میں بھی محسوس کیے گئے۔18 ماہ کی وبائی پابندیوں کے بعد جمعرات کو بالی بین الاقوامی سیاحوں کے لیے دوبارہ کھول دیا گیا تھا تاہم ابھی سیاحوں کی معمولی تعداد ہی پہنچ پائی ہے۔

User Rating: Be the first one !

About Daily Pakistan

Check Also

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی واشنگٹن (ڈیلی …

Leave a Reply

Your email address will not be published. Required fields are marked *

Skip to toolbar