Home / صفحۂ اول / امریکی پولیس کا بڑا کریک ڈاون، موسمیاتی مظاہروں کے دوران 655افراد گرفتار

امریکی پولیس کا بڑا کریک ڈاون، موسمیاتی مظاہروں کے دوران 655افراد گرفتار

امریکی پولیس کا بڑا کریک ڈاون، موسمیاتی مظاہروں کے دوران 655افراد گرفتار

واشنگٹن (ڈیلی پاکستان آن لائن) امریکی پولیس نے واشنگٹن ڈی سی میں موسمیاتی مظاہروں کے دوران مجموعی طور پر655 افراد کوحراست میں لے لیا۔ موسمیاتی تبدیلیوں کی وجہ سے انسانی زندگیوں پر پڑنے والے منفی اثرات کی روک تھام اور امریکی حکومت کی جانب سے اٹھائے گئے ناکافی اقدامات کے خلاف امریکی شہری گزشتہ کئی دنوں سے وائٹ ہاوس کے باہر احتجاج کر رہے ہیں اور اس حوالے سے واشنگٹن ڈی سی میں مختلف جگہوں پر ریلیاں بھی نکالی گئی ہیں۔ احتجاج میں شامل شرکاء نے امریکی صدر جوبائیڈن پر زور دیا ہے کہ وہ فوری طور پر ملک کے اندر ایمرجنسی نافذ کریں اور جیواشم ایندھن پر چلنے والے منصوبوں کو بند کریں۔ شرکاء کا یہ بھی کہنا تھا کہ کانگریس جیواشم ایندھن کے استعمال پر مرحلہ وار پابندی لگانے کے لیے ضروری آئین سازی بھی کرے۔ “پیپل بمقابلہ فوسل فیول موبلائزیشن” مظاہرے کے دوران جمعے کے روز پولیس نے 90افراد کو گرفتار کیا تھا جبکہ دارلحکومت میں ہونے والے احتجاج کے دوران گرفتار افراد کی تعداد 655تک پہنچ چکی ہے۔ سماجی کارکنوں نے یہ بھی کہا ہے کہ اس تقریب میں درجنوں گرفتاریاں ہوئیں اور مزید کہا کہ پولیس نے کچھ مظاہرین پر اسٹن گن کا استعمال کیا۔امریکی محکمہ داخلہ کی ترجمان میلیسا شوارٹز نے تاہم ایک بیان میں دعویٰ کیا ہے کہ مظاہرین نے متعدد سیکورٹی اہلکاروں کو تشدد کا نشانہ بنایا اور ان میں سے ایک سیکورٹی افسر کو زخمی حالت میں قریبی ہسپتال بھی منتقل کیا گیا ہے۔

User Rating: Be the first one !

About Daily Pakistan

Check Also

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی واشنگٹن (ڈیلی …

Leave a Reply

Your email address will not be published. Required fields are marked *

Skip to toolbar