Home / انٹر نیشنل / التنف کا حملہ ایرانی ڈرون طیاروں نے کیا تاہم انہوں نے ایران سے اڑان نہیں بھری:امریکا

التنف کا حملہ ایرانی ڈرون طیاروں نے کیا تاہم انہوں نے ایران سے اڑان نہیں بھری:امریکا

التنف کا حملہ ایرانی ڈرون طیاروں نے کیا تاہم انہوں نے ایران سے اڑان نہیں بھری:امریکا

واشنگٹن (ڈیلی پاکستان آن لائن) امریکی وزارت دفاع “پینٹاگان” کے ذمے داران کا کہنا ہے کہ امریکا کا غالب گمان ہے کہ گذشتہ ہفتے شام میں التنف میں بین الاقوامی اتحادی افواج کے اڈے پر ہونے والے حملے کی منصوبہ بندی اور اس کے لیے ساز و سامان کی فراہمی ایران نے کی۔مذکورہ ذمے داران نے یہ بات پیر کے روز اپنی شناخت ظاہر نہ کرنے کی شرط پر بتائی۔ ان کا کہنا تھا کہ یہ حملہ ایرانی طیاروں نے کیا تاہم وہ انہوں نے ایران سے اڑان نہیں بھری۔ ذمے داران نے واضح کیا کہ تہران نے “حملے کے کیے جانے کو” آسان بنایا۔ذمے داران نے غالب گمان ظاہر کیا کہ گولہ بارود سے لدے 5 ڈرون طیاروں نے التنف کے فوجی اڈے پر اس حصے کو نشانہ بنایا جہاں امریکی فوجی اور شامی اپوزیشن کے جنگجو ہوتے ہیں۔یاد رہے کہ گذشتہ بدھ اور جمعرات کی درمیانی شب شام میں التنف کے فوجی اڈے پر ڈرون طیاروں کے ذریعے حملہ کیا گیا۔ اس اڈے میں امریکا کے زیر قیادت بین الاقوامی اتحاد کی افواج موجود ہیں۔حملے میں کسی کے ہلاک یا زخمی ہونے کی خبر نہیں ملی۔پینٹاگون کے ترجمان جان کیربی نے پیر کے روز ایک پریس کانفرنس میں صرف اتنا کہنے پر اکتفا کیا کہ یہ ایک پیچیدہ اور دانستہ حملہ تھا جو رابطہ کاری کے ذریعے انجام دیا گیا۔کیربی نے حملے میں استعمال ہونے والے گولہ بارود کی نوعیت کے حوالے سے بھی کوئی معلومات فراہم نہیں کی۔شام کے صوبے حمص میں عراقی اور اردنی سرحد پر واقع التنف کا یہ اڈہ 2016 میں قائم ہوا تھا۔ یہ داعش تنظیم کے خلاف جنگ میں ایک بنیادی حصہ شمار ہوتا ہے۔ یہاں امریکی افواج اور اتحادی افواج تعینات ہیں تا کہ مقامی شامی اپوزیشن کی فورسز کو تربیت دے سکیں۔

User Rating: Be the first one !

About Daily Pakistan

Check Also

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی

بائیڈن 2024 میں بھی صدارتی الیکشن لڑیں گے، ترجمان وائٹ ہاوس جین ساکی واشنگٹن (ڈیلی …

Leave a Reply

Your email address will not be published. Required fields are marked *

Skip to toolbar