Daily Pakistan Online News, Sports, Blogs, Media
Related Articles
لاہور: جنوری06 ( ڈیلی پاکستان آن لائن) پاکستان فلم اور ڈرامہ انڈسٹری کی معروف اداکارہ عائشہ عمر نے ایک اشتہاری کمپنی کے شو میں بولڈ لباس زیب تن کرنے پر تنقید کرنے والوں کو کرارا جواب دیا .کہتی ہیں کہ لکس اسٹائل ایوارڈز کے لیے انہوں نے ایک لوکل برانڈ کا لباس زیب تن کیا ہے جو کہ 2 خواتین کا برانڈ ہے۔
اداکارہ نے انسٹاگرام اکاؤنٹ پر ایک پوسٹ شیئر کی جس میں انہوں نے لکس اسٹائل ایوارڈز کے روز کی ایک تصویر اپ لوڈ کی اور ساتھ ہی کیپشن میں خواتین کے با اختیار ہونے کے حوالے سے بھی بات کی۔ ادکارہ کی اس پوسٹ پر صارفین کی جانب سے انہیں تنقید کا نشانہ بنایا گیا، ان کا کہنا تھا کہ اس طرح کے کپڑے پہن کر خواتین کو بااختیار بنانے کو فروغ دینا درست نہیں ہے۔ عائشہ عمر بھی مداحوں کی تنقید برداشت نہ کر سکیں اور انہوں نے تنقید کرنے والوں کو خوب جواب دیا۔
اداکارہ نے کہا کہ ‘میں یقینی طور پر خواتین کو ان کے جسم کو دکھانے کو فروغ یا ایسا کرنے پر زور نہیں دے رہی ہوں، یہ سب کا اپنا انتخاب ہے اور یہ کپڑے پہننا میرا اپنا انتخاب ہے، آپ جو پہننا چاہتے ہیں وہ پہنیں. عائشہ عمر نے کہا ’یہ کپڑے مجھے جیسے بھیجے گئے تھے میں نے ویسے ہی پہنے، میں نے اس کپڑے میں خود سے کچھ نہیں کیا، جنہوں نے مجھے یہ سوٹ بھیجا تھا انہوں نے مجھ سے صرف میرا سائز پوچھا تھا اور انہوں نے مجھ سے خود رابطہ کیا تھا اور جون میں یہ سوٹ بھیجا تھا‘۔ انہوں نے کہا کہ ’مجھے یہ کپڑے پہننے یا اس کی تشہیر کرنے کے لیے معاوضہ نہیں دیا گیا تھا اور میں صرف اس سوٹ کو پہننے کے لیے مناسب موقع کا انتظار کر رہی تھی.عائشہ عمر کا کہنا تھا ’کہ میرے کُھلے ہوئے بازوؤں کو دیکھنے کے بجائےناقدین انکی محنت کی حوصلہ افزائی کرتے تو اچھا تھا.
