اسٹیج اداکارہ نرگس اور شوہر ماجد بٹ میں صلح

لاہور( ڈیلی پاکستان آن لائن)اسٹیج اداکارہ نرگس اور شوہر ماجد بٹ کے درمیان صلح ہوگئی، صلح نامہ عدالت میں جمع کرادیا گیا۔ سیشن کورٹ لاہور میں دونوں کی جانب سے باہمی رضامندی سے صلح نامہ جمع کروا دیا گیا۔ماجد بشیر نے عدالت سے عبوری ضمانت کی درخواست واپس لے لی، ایڈیشنل سیشن جج نے ضمانت واپس کرتے ہوئے درخواست مسترد کردی۔نرگس کے وکیل نے بتایا کہ بڑوں نے باہمی رضا مندی سے معاہدہ کروایا ہے، بڑوں کے کہنے پر اداکارہ نے شوہر کو معاف کیا، کوئی فریق اس معاہدے کی خلاف ورزی نہیں کرے گا۔اداکارہ نرگس نے شوہر ماجد بٹ پر تشدد کامقدمہ ڈیفنس سی پولیس اسٹیشن میں درج کروایا تھا۔