Breaking News
Home / انٹر نیشنل / اسرائیلی طیاروں کے لیے شام کی فضائی حدود بند کی جا سکتی ہیں، روس کی دھمکی

اسرائیلی طیاروں کے لیے شام کی فضائی حدود بند کی جا سکتی ہیں، روس کی دھمکی

An Israeli F-15 I fighter jet launches anti-missile flares during an air show at the graduation ceremony of Israeli Air Force pilots at the Hatzerim base in the Negev desert, near the southern Israeli city of Beer Sheva, on June 27, 2019. (Photo by JACK GUEZ / AFP)

اسرائیلی طیاروں کے لیے شام کی فضائی حدود بند کی جا سکتی ہیں، روس کی دھمکی
ماسکو(ڈیلی پاکستان آن لائن) روس نے شام میں ایران کی ملیشیاں پر اسرائیلی حملوں کے حوالے سے اب تک خاموشی اختیار کر رکھی تھی۔ تاہم اب ایسا لگتا ہے کہ ماسکو نے اپنی روش بدل لی ہے۔ اس نے پہلی مرتبہ دھمکی دی ہے کہ اسرائیلی طیاروں کے لیے شام کی فضائی حدود بند کی جا سکتی ہیں۔گذشتہ دنوں کے دوران میں روسی وزارت دفاع نے شام میں اسرائیلی حملوں پر تبصرے کے لیے دو علاحدہ بیانات جاری کیے تھے۔روسی وزارت دفاع کے بیانات میں بتایا گیا کہ شام کی فوج کے پاس موجود روسی فضائی دفاعی نظاموں نے اسرائیل کے زیادہ تر میزائل مار گرائے۔ بیان کے مطابق پہلا حملہ لبنانی فضائی حدود کے راستے ہوئے جب کہ دوسری کارروائی التنف کے علاقے کی جانب سے ہوئی۔ یہ علاقہ شام، اردن اور عراق کے درمیان سرحدی تکون پر واقع ہے۔مذکورہ دونوں بیانوں کے جاری ہونے کے علاوہ ایک روسی ذریعے نے شام کی فضائی حدود کی بندش کے امکان کا عندیہ دیا ہے۔ادھر اسرائیل نے حسب عادت ان حملوں پر کوئی تبصرہ نہیں کیا۔عموماً اسرائیلی بم باری میں شام میں ایرانی ملیشیاں کے ٹھکانوں کو نشانہ بنایا جاتا ہے۔ اس کے نتیجے میں ہتھیاروں، راکٹوں اور گولہ بارود کے ڈپوں کی تباہی سامنے آتی ہے۔اسی طرح تل ابیب اس بات کو دہراتا رہا ہے کہ وہ شام میں ایران کے عسکری وجود کو مضبوط بنانے کی کوششیں روکنے کا سلسلہ جاری رکھے گا۔واضح رہے کہ اسرائیل نے رواں سال کے آغاز سے آج تک 14 سے زیادہ حملے کیے ہیں۔ ان کے نتیجے میں تقریبا 41 اہداف کو نقصان پہنچا۔ ان میں عمارتیں، ہتھیار اور گولہ بارود کے گودام، صدر دفاتر اور دیگر مراکز شامل رہے ہیں۔

User Rating: Be the first one !

About Daily Pakistan

Check Also

چین عمران خان کو حکومت میں کیوں نہیں دیکھنا چاہتا؟ احسن اقبال کا خوفناک انکشاف

اسلام آباد (ڈیلی پاکستان آن لائن)وفاقی وزیر برائے منصوبہ بندی احسن اقبال نے کہا ہے …

Skip to toolbar