Daily Pakistan Online News, Sports, Blogs, Media
Related Articles
اسد قیصر سے چیئر مین ایف بی آر جاوید غنی کی ملاقات ،ایف بی آر کی کارکردگی بہتر بنانے کے حوالے سے تبادلہ خیال
ایف بی آر کی کارکردگی بہتر ہونے سے ملک کی اکنامی بہتر ہوگی،ایف بی آر میں اصلاحات لا کر کارکردگی کو بہتر بنایا جا سکتا ہے، اسد قیصر
وزیر اعظم کی ہدایت پر اصلاحات پر تیزی سے کام ہو رہا،ٹیکس کی وصولی کے نظام کو مزید آسان بنایا جا رہا،ایف بی آر کے نظام کو ڈیجیٹل کیا جارہا ہے ، چیئر مین ایف بی آر
اسلام آباد (ڈیلی پاکستان آن لائن) اسپیکر قومی اسمبلی اسد قیصر سے چیئرمین ایف بی آر جاوید غنی نے ملاقات کی جس میں ایف بی آر کی کارکردگی بہتر بنانے کے حوالے سے تبادلہ خیال کیا گیا ۔
اسپیکر قومی اسمبلی اسد قیصر نے کہاکہ ٹیکس کولیکشن کے اہداف حاصل کرنے کے لیے اقدامات اٹھائے جائیں۔ انہوںنے کہاکہ ملک کی ترقی کے لیے ایف بی آر کو خاص اہمیت حاصل ہوتی ہے۔
چیئر مین ایف بی آر نے ہدایت کی کہ ٹیکس کے نظام کو عوام دوست بنایا جائے۔ اسد قیصر نے کہاکہ ایف بی آر کی کارکردگی بہتر ہونے سے ملک کی اکنامی بہتر ہوگی،ایف بی آر میں اصلاحات لا کر کارکردگی کو بہتر بنایا جا سکتا ہے۔ چیئر مین ایف بی آر نے کہاکہ وزیر اعظم کی ہدایت پر اصلاحات پر تیزی سے کام ہو رہا،ٹیکس کی وصولی کے نظام کو مزید آسان بنایا جا رہا،ایف بی آر کے نظام کو ڈیجیٹل کیا جارہا ہے ۔
چیئر مین ایف بی آر نے کہاکہ انٹرنیٹ کے ذریعے رسائی حاصل کی جاسکے گی۔ اسپیکر نے افغان بارڈز پر درپیش مسائل کو فورا حل کرنے کی ہدایت کی ۔ اسپیکر قومی اسمبلی نے کہاکہ ہمیں اپنے ایکسپورٹر کو ہر ممکن سہولت دینی ہے،عوام کی زندگیوں سے مشکالات کو کم کرنا ہے۔
